Íslensku keppendurnir ljúka þátttöku á HM 2019

Heimsmeistaramótið í Ólympískum lyftingum fer fram um þessar mundir á Pattaya í Thaílandi. Ísland á að þessu sinni tvo keppendur og hafa þau bæði lokið keppni.

Heildarúrslit má nálgast hér: https://www.iwf.net/new_bw/results_by_events/?event=472

Þuríður Erla Helgadóttir keppti í -59kg flokki kvenna þar sem hún endaði í 25 sæti af 34 keppendum sem luku keppni. Þuríður glímir um þessar mundir við lítilsháttar axlarmeiðsli en náði þrátt fyrir það að ljúka mótinu með sóma en aðeins frá sínu besta.Hún fór með allar sýnar lyftur í gegn 72kg,75kg og 80kg í snörun og 95kg, 101kg og 103kg í jafnhendingu. Þetta er þriðja úrtökumót fyrir ólympíuleikana í Tokyo 2020 sem Þuríður keppir á.

Einar Ingi Jónsson keppti í -73kg flokki hann endaði í 35.sæti, hann náði aðeins að lyfta opnunarlyftunum sýnum 113kg í snörun og 140kg í jafnhendingu en reyndi við 116kg og 117kg í snörun og 145kg í jafnhendingu. Hann hefur einnig keppt á þremur úrtökumótum.

Næsta úrtökumót hjá Þuríðir og Einari verður NM í Noregi sem fram fer í næsta mánuði þar sem stór hópur íslendinga mun keppa.

19 Konur og 6 Karlar frá Norðurlöndunum keppa á HM og hefur um helmingur þeirra lokið keppni og má fylgjast með árangri þeirra í gagnagrunni LSÍ: https://results.lsi.is/meet/heimsmeistaramot-iwf–2019