Úlfhildur og Bergrós í 7 og 8 sæti

Eggert, Úlfhildur, Bergrós og Helga Hlín

Úlfhildur Arna Unnarsdóttir og Bergrós Björnsdóttir hafa lokið keppni á heimsmeistaramóti youth í Mexico.
Bergrós keppti í -71kg B grúbbunni og átti hún glæsilegt mót, hún lyfti í snörun 75-78-81kg og í jafnhendingunni 95-100-x103. Með þessum glæsilega árangur hreppti Bergrós titlinum af Úlfhildi sem yngsta konan til að lyfta 100kg yfir höfuð. 81kg snörunin hennar bergrósar var nýtt Íslandsmet í flokki 15 ára og yngri. 100kg jafnhendingin var svo bæting á Íslandsmetinu um 3kg. Með þessum glæsilega árangri lyfti hún því 181kg í samanlögðum árangri, sem var bæting um 4kg á Íslandsmeti í flokki 15 ára og yngri. Bergrós er fædd árið 2007 og hefur því nægan tíma fyrir ennþá meiri bætingar!

Úlfhildur keppti síðan í A grúbbuni og tók í snörun 80-84-x87kg. 87kg var tilraun að nýju Íslandsmeti í flokki 17 ára og yngri en gekk því miður ekki upp í þetta skiptið. Í jafnhendingunni byrjaði Úlfhildur mjög sterk, hún opnaði á 100kg sem er einungis 1kg undir hennar eigin Íslandsmeti. Hún lyfti því af miklu öryggi. Næst tók hún 103kg sem var því miður dæmt ógilt af kviðdóm. Úlhildur ákvað þá að reyna við 104kg í síðustu tilraun, sem hefði verið bæting á Íslandsmeti um 3kg, en því miður þá gekk það ekki eftir, og Úlfhildur klárar því mótið með 184kg í samanlægðum árangri. Úlfhilfur hefur verið á mikilli siglingu undanfarið og verður spennandi að fylgjast með henni á komandi árum!

Úlfhildur með 100kg fyrir ofan höfuðm Mynd frá @iwfnet / @isac_morillas

Heimsmeistaramót Youth í Mexico

Bergrós Björnsdóttir og Úlfhildur Arna Unnarsdóttir keppa á morgun fyrir hönd Íslands í Mexico og verður spennandi að fylgjast með þeim.
Báðar keppa þær í -71kg flokki, en Bergrós keppir klukkan 10 að staðartíma í B-grúppu (15:00 á okkar tíma) og Úlfhildur klukkan 18 að staðartíma í A-grúppu (23:00 á okkar tíma)

Þetta er fyrsta heimsmeistaramót hjá Bergrósu en Úlfhildur hefur keppt á tveimur heimsmeistaramótum áður, HM youth í Sádí Arabíu í fyrra og HM junior í Grikklandi fyrir nokkrum vikum síðan.

Beint streymi má finna á youtube rás IWF í hlekknum hér að neðan.

https://www.youtube.com/c/InternationalWeightliftingFederation

Dómaranámskeið

Lyftingadeild KA og Lyftingasamband íslands standa fyrir dómaranámskeiði í ólympískum lyftingum.
Námskeiðið endar á skriflegu prófi sem veitir landsdómararéttindi.

Námskeiðið fer fram í fundarsal í KA heimilinu og æfingasal Training for warriors Akureyri.

Skráning á námskeiðið fer fram hér:
https://forms.gle/f25KMb28mHBcBzoF9
ATH námskeiðið er gjaldfrjálst

Dagskrá birt með fyrirvara um breytingar.
Laugaradagur 25.júní
09:00-10:15 – Fyrirlestur 1
– Kaffipása –
10:30 – 11:45 – Fyrirlestur 2
– Hádegismatur –
12:30 – 13:45 – Fyrirlestur 3
– Kaffipása –
14:00 – 15:00 – Verkleg kennsla í TFW salnum
15:50 – 17:00 – Próf

Sunnudagur 26.júní
Dómgæsla á sumarmóti Lyftingadeildar KA og LSÍ

Minnum einnig á skráningu á sumarmótið sem er í hlekknum hér fyrir neðan!
https://docs.google.com/forms/d/e/1FAIpQLSeo1MTqhaaP9iQR8YvGcySYQ9QMi3bNuDLVlNdXNFM9ME0KPg/viewform?usp=sf_link

Elite pin x 2 á Evrópumeistaramótinu

Mótshluti okkar Íslendinga er lokið á Evrópumeistaramótinu í Tirana, Albaníu. Þær Katla Björk Ketilsdóttir og Eygló Fanndal Sturludóttir voru sér og löndum sínum til mikils sóma, en árangur þeirra var virkilega góður. Ferðin byrjaði þó með ákveðnum erfiðleikum, en British Airways lét Eygló og Inga Gunnar innrita handfarangurinn sinn með lofurðum um að hann myndi skila sér, og þeim gert vel grein fyrir því að um mikilvægan keppnisbúnað væri að ræða. British Airways lofaði að allt myndi skila sér. Það fór ekki svo, að Eygló og Ingi Gunnar enduðu töskulaus úti. Mamma hennar Eyglóar, hún Harpa Þorláksdóttir kom dóttur sinni til bjargar, og pantaði sér flug með engum fyrirvara og fór út með neyðarsendingu til hennar. Kunnum við henni miklar þakkir fyrir að standa svo þétt við bakið á dóttur sinni.

Landsliðshópurin á EM. Eygló, Katla og Ingi Gunnar þjálfari

Katla hóf keppni fyrst, og gekk hennar móthluti mjög vel, hún fékk allar lyftur gildur og setti um leið fjölmörg Íslandsmet. Hún opnaði örugg á 82kg í snörun, fór þaðan í nýtt Íslandsmet í annari tilraun, 86kg og tvíbætti metið í þriðju tilraun með 88kg. Í jafnhendingunni tók Katla 101kg, og var með þeirri lyftu búin að setja nýtt Íslandsmet í samanlögðu, og bætti það svo þegar að hún setti Íslandsmet bæði í jafnhendingu og samanlögði í lyftu númer 2 og 3, sem voru 104kg og loks 106kg. Katla setti alls, með þessum frábæra árangri hvorki meira né minna en 14x Íslandsmet, og nældi sér í Elite Pin norðurlandanna, og var því 6x Íslendingur til að hljóta þennan titil.

Katla á Heimsmeitaramóti 2021

Eygló var næst á pallinn og tók 89kg í fyrstu tilraun í snörun, sem gekk ekki upp, en lyftið því örugglega í annari tilraun. Í þriðju og síðustu bað Eygló um 94kg. Hún lyfti því, þurfti að hlaupa áfram til að bjarga henni, en entist ekki pallurinn og lyftan því dæmd ógilt. Frábær tilraun engu að síður og meira í tankinum. Í jafnhendingunni tók eygló og opnaði örugglega á Íslandsmeti, 112kg, tók einnig og tvíbætti metið með 116kg í annari tilraun. Eygló reyndi síðan við 120kg en það gekk ekki upp í þetta skiptið. Hún landaði þó Íslandsmeti í samanlögðum árangri með 205kg. Þess má til gamans geta að fyrrum þyngsti samanlagði árangur sem Íslenk kona hafði lyft, var 202kg, og var það Eygló sem hélt því. Hér bætir hún því þyngsta samanlagða árangur kvenna á Íslandi um hvorki meira né minna en 3kg, og fékk einnig Elite Pin norðurlandanna, og var því 7x Íslendingurinn til að hreppa það.

Eygló á Heimsmeistaramóti 2021

Heimsmeistaramót u20

Úlfhildur Arna Unnarsdóttir og Brynjar Logi Halldórsson voru löndum sínum til mikils sóma á Heimsmeistaramóti ungmenna sem haldið var í Hereklion á Krít. Úlfhildur keppti í -71kg flokki og vigtaðist þar inn 69.85kg. Hún kom sterk inn í mótið og opnaði með 75kg í snörun, fór þaðan í 80kg sem gekk ekki upp, en kláraði það í þriðju tilraun. Í jafnhendingunni opnaði Úlfhildur á 95kg, tók svo 99kg og kláraði með 101kg, sem er 1kg bæting á hennar eigin íslandsmeti í flokki 17 ára og yngri. Úlfhildur, með þessum glæsilega árangri er orðin yngst íslenskra kvenna til að jafnhenda yfir 100kg á móti. Úlfhildur endaði í 18 sæti. Þess má til gamans geta að Úlfhildur var yngsti keppandinn, en hún er fædd árið 2005, og á því 3 ár eftir til að klifra hærra upp styrkleikalistann.

Ljósmynd frá All things Gym

Brynjar Logi Halldórsson keppti í -89kg flokki og vigtaðist þar inn 86.95kg. Brynjar átti frábæran dag í snörun þegar að hann tók 120-123-125kg og fékk allar þrjár lyftur gildar. 125kg snörunin var bæting á hans eigin íslandsmeti um 2kg. Jafnhendingin gekk vel, Brynjar opnaði í 140kg, fór svo í 146 sem hann fékk dæmda ógilda af kviðdóm. Brynjar tók því 146kg aftur og kláraði hana svo engin vafi væri á því að lyftan væri gild. Niðurstaða Brynjars var því 125/146 og 271kg í samanlögðum árangri, og bæting á þriggja ára gömlu Íslandsmeti um 2kg. Brynjar endaði í 19 sæti.

Brynjar Logi með 125kg

Heimsmeistaramót u20

Ísland á tvo keppendur á HM u20 sem haldið er í Krít, Úlfhildi og Brynjar Loga.
Úlfhildur er fyrst á pallinn en hún keppir föstudaginn 6. maí. klukkan 12:30 að staðartíma, sem þýðir 9:30 á íslenskum.

Úlfhildur Arna Unnarsdóttir á HM 17 ára og yngri í fyrra

Brynjar Logi Halldórsson keppir á laugardaginn 07.05 klukkan 10:30 að staðartíma, þannig að klukkan 7:30 á íslenskum

Brynjar Logi Halldórsson á EM u20 í fyrra