Úrslit frá Íslandsmeistaramótinu komin!

Íslandsmeistaramótið í Ólympískum Lyftingum fór fram hjá nýstofnaðari Lyftingadeild ÍA í dag og fær mótshaldari hrós skilið.

Nálgast má heildar úrslit í gagnagrunni sambandsins hér: https://results.lsi.is/meet/islandsmeistaramot-2024

Brynjar Logi Halldórsson (LFR) varð stigahæstur karla þegar hann snaraði 132kg og jafnhenti 154kg í -81kg flokki, hann keppti síðast í þeim flokki 2021. Snörun, Jafnhending og samanlagður árangur voru allt ný Íslandsmet.

Eygló Fanndal Sturludóttir (LFR) var meðal keppenda og hún varð stigahæsti kvenn keppandinn og íslandsmeistari í -71kg flokki þegar hún snaraði 98kg og jafnhenti 120kg, samanlagt 2018kg.

Guðný Björk Stefánsdóttir (LFK) bætti sinn besta árangur um 3kg þegar hún snaraði 96kg og jafnhenti 112kg í nokkuð dramatískri jafnhendingu en þyngdinni lyfti hún í þriðju tilraun eftir að hafa klikkað á opnunarþyngdinni 108kg og tilraun við 112kg. Með 208kg þá náði hún Elite Pin standard Lyftingasambands Norðurlandanna (NWF) sem er 205kg í -71kg flokk og er hún því fjórða íslenska konan til að hljóta þann heiður. Áður hafa Eygló Fanndal Sturludóttir, Katla Ketilsdóttir og Þuríður Erla Helgadóttir unnið sér inn Elite Pin.

Amalía Ósk Sigurðardóttir (LFM) sigraði -64kg flokkinn með 5kg bætingu á samanlögðum árangri 188kg og varð þriðja stigahæst á Sinclair á eftir Eygló og Guðný.

Erla Ágústdóttir (LFK) bætti sinn besta árangur um 1kg og lyfti 101kg í snörun og 115kg í jafnhendingu. Hún átti tvær góðar tilraunir við 120kg í jafnhendingu en missti þyngdina aðeins fram á við í jarkinu. Snörunin og samanlagður árangur 216kg voru bætingar á hennar eigin Íslandsmetum.

Þórbergur Ernir Hlynsson (LFR) sigraði -96kg flokk karla og setti fjögur unglingamet (20 ára og yngri) þegar hann snaraði 125kg og jafnhenti 153kg, einnig setti hann tvisvar sinnum met í samanlögðum árangri 273kg og 278kg. Hann bætti sinn besta árangur um 10kg á mótinu og varð næst stigahæstur á Sinclair á eftir Brynjari.

Spjótkastarinn og þrefaldi ólympíufarinn Ásdís Hjálmsdóttir Annerud (Ármann) keppti á sínu fyrsta móti í ólympískum lyftingum og snaraði 74kg og jafnhenti 98kg í -81kg flokk. Hún sigraði flokkinn og setti einnig Masters/öðlinga met í flokki 35-39ára í snörun, jafnhendingu og samanlögðu.

Hrund Scheving (LFK) sigraði í -76kg flokki kvenna og hún setti einnig met í masters flokki 45-49 ára þegar hún snaraði 71kg og jafnhenti 86kg og bætti met Ingunnar Lúðvíksdóttur um 1kg í hvorri grein.

Ingvar Svavarsson (ÍA) keppti á sínu fyrsta móti og setti ný Íslandsmet í -96kg masters flokki 40-44 ára með 90kg í snörun og 120kg í jafnhendingu.

Ingólfur Pétursson (ÍA) setti einig masters met í jafnhendingu og samanlögðum árangri í -102kg flokki 35-39 ára með 115kg í jafnhendingu og 201kg í samanlögðu.

Allir íslandsmeistarar voru eftirfarandi:

Karlar

-81kg Brynjar Logi Halldórsson (LFR) – 286kg

-89kg Tómas Titelmann (LFR) – 220kg

-96kg Þórbergur Ernir Hlynsson (LFR) – 278kg

-102kg Viktor Ýmir Elíasson (ÍA) – 237kg

Konur

-55kg Birna Ólafsdóttir (LFK) – 106kg

-59kg Snædís Líf Pálmarsdóttir (LFR) – 154kg

-64kg Amaíla Ósk Sigurðardóttir (LFM) – 188kg

-71kg Eygló Fanndal Sturludóttir (LFR) – 218kg

-76kg Hrund Scheving (LFK) – 157kg

-81kg Ásdís Hjálmsdóttir Annerud Ármann – 172kg

+87kg Erla Ágústdóttir (LFK) – 216kg

Tveir nýjir dómarar bættust í dómarhóp LSÍ í dag eftir að hafa staðist dómarapróf með sóma.
Þau Sólveig Ásta Gautadóttir og Ástþór Helgi Hjálmarsson frá ÍA.

Guðmundur Helgi Helgason (f.1961-d.2024) – In Memoriam

Fyrrum lyftingamaðurinn Guðmundur Helgi Helgason varð bráðkvaddur í lok Apríl, hann er einn af bestu lyftingamönnum sem Ísland hefur alið af sér og því við hæfi að minnast afreka hans á pallinum.

Útför hans fer fram kl:13:00 í Laugarneskirkju þann 14.Maí.

Sá sem ritar þessa grein kynntist honum nokkuð vel á árunum 2004-2009 þegar Guðmundur lyfti oft í kaplakrika en á þeim árum voru ekki margir staðir sem hægt var að stunda ólympískar lyftingar, það var góðum 10 árum eftir að ferli hans lauk sem lyftingamanns en hann bjó ennþá yfir ágætis afli. Þetta yfirlit er skrifað út frá þeim heimildum sem liggja fyrir og ef einhver lumar á frekari gögnum má sá hinn sami endilega senda þau á asgeir@lsi.is t.d. árangra frá mótum sem ekki eru í gagnagrunni sambandsins eða myndum af Guðmundi.

Guðmundur byrjaði ungur að lyfta og er fyrsta mótið í gagnagrunni sambandsins frá 1976, hann kemur upp með ákveðinni gullaldar kynslóð sem varð til í kjölfar upphafsmannana Guðmundar Sigurðssonar (f.1946), Óskar Sigurpálssonar (f.1945) og Gústaf Agnarssonar (f.1952). En menn sem eru sömu kynnslóðar eru m.a. Birgir Borgþórsson (f.1958), Ágúst Kárason (f.1960), Jón Páll Sigmarsson (f.1960), Halldór Jónhildarson (f.1961), Þorsteinn Leifsson (f.1961), Haraldur Ólafsson (f.1962), Ingvar Jóel Ingvarsson (f.1963), Baldur Borgþórsson (f.1963), Garðar Gíslason (f.1963), Gylfi Gíslason (f.1963) og mögulega fleiri sem hægt er að nefna. Einnig áttum við frábæra kastara úr sömu árgöngum líkt og Véstein Hafsteinsson (f.1960), Eggert Bogason (f.1960) og Einar Vilhjálmsson (f.1960) og Sigurð Einarsson (f.1962).

Morgunblaðið 3.Nóvember 1981

Guðmundur fékk tækifæri til að fara á Ólympíuleikana í Moskvu 1980 ásamt þeim Þorsteini Leifssyni og Birgi Borgþórssyni sem einnig var fánaberi Íslands á leikunum. Þar lyfti hann 135kg í snörun og 160kg í jafnhendingu í -90kg flokki og endaði í 13.sæti. Aðeins Guðmundur Sigurðsson og Óskar Sigurpálsson hafa farið á ólympíuleika í lyftingum auk þessara þriggja, Óskar 1968 og 1972 og Guðmundur S. 1972 og 1976.

Guðmundur fer út til náms til Bandaríkjana í kringum 1983 en hann hélt áfram að lyfta þar og keppti á nokkrum mótum, hinsvegar hafa skráningar frá þeim mótum ekki ennþá ratað í gagnagrunn sambandsins fyrir utan eitt mót frá 1987 þar sem Guðmundur keppir í -100kg flokk, snarar 145kg og jafnhendir 190kg. Á þessu ári 1987 má þó segja að bestu ár Guðmundar hefjist. Á Reykjavíkurmótinu 1987 lyftir hann 155kg í snörun og 195kg í jafnhendingu. Einnig lyfti hann 200.5kg í jafnhendingu í aukatilraun sem þá var leyfilegt en fékkst ekki gilt sem íslandsmet í samanlagðri þyngd. Þessi þyngd 350kg í samanlögðu ef hann hefði verið slétt 100kg í vigtun gæfi honum yfir 400 Sinclair stig samkvæmt þeim útreikningum sem eru notaðir í dag, mögulega hafa aðeins Guðmundur Sigurðsson og Gústaf Agnarsson náð því en oft vantar nákvæma líkamsþyngd á eldri árangra.

Árið eftir keppir Guðmundur á EM í Wales ásamt Haraldi Ólafssyni og endar í 12.sæti þar sem hann lyfti 145kg í snörun og 180kg í jafnhendingu í raun eina stórmótið sem Guðmundur keppti á fyrir utan Ólympíuleikana 1980.

Árið 1989 lyfti hann aftur 200,5kg en nú löglega og bætti íslandsmetið í samanlögðum árangri þegar hann snaraði 152.5kg. Hann reyndi einnig við norðurlandamet í jafnehendingu 208kg og náði að standa upp með þá þyngd.

Á Norðurlandamótinu 1989 sem haldið var á Akureyri varð hann annar. Þar lyfti hann 145kg í snörun og 187.5kg í jafnhendingu. Eftirfarandi mynd af honum er til með „sigurþyngdina“ á lofti en hún var því miður ekki gild. Daninn Frank Strömbo vann það mót í -100kg flokk með 152.5kg í snörun og 187.5kg í jafnhendingu.

Morgunblaðið 13.12.1989

Guðmundur hafði nokkra yfirburði á þessum árum líkt og getið var í grein um Íslandsmótið 1990, þar er talað um að bestur árangur hans er 355kg það er 2.5kg hærra en metið sem hann setti 1989 en til miður er þessi árangur ekki í gagnagrunni sambandsins.

Hann keppti einnig ásamt fríðu föruneyti á smáþjóðmótinu í ólympískum lyftingum 1990 á Möltu þar sem hann lyfti 145kg í snörun og 190kg í jafnhendingu.

1991 er til fréttir af því að Guðmundur hafi slegið met Gústaf Agnarssonar í snörun þegar hann lyfti 160,5kg á Páskamóti KR. Þennan árangur vantar einnig inn í gagnagrunn sambandsins og óljóst er í hvaða þyngdarflokk þó líklegast sé það í -100kg flokk enda met Gústafs í -110kg flokk 170kg.

Síðasta mótið hans í skráningu er Íslandsmeistaramótið 1993 en þá lyfti hann 150kg í snörun og 180kg í jafnhendingu í -108kg flokk eftir að alþjóðalyftingasambandið þurrkaði út öll eldri met og útbjó nýja þyngdarflokka.

Árið 2010 fór Guðmundur út sem farastjóri á Smáþjóðamótið í lyftingum, hann var einnig liðlegur í að starfa á mótum við endurreisn lyftingasambandsins á árunum 2010-2017 og starfaði á fjölmörgum mótum á þeim tíma. Hann hlaut silfurmerki ÍSÍ 2015 fyrir starf í þágu lyftinganna.

Frá vinstri: Sigmundur Davíðsson, Lárus Páll Pásson og Guðmundur Helgi Helgason.

Frá vinstri: Guðmundur Sigurðsson, Birgir Þór Borgþórsson og Guðmundur Helgi Helgason á 50 ára Lyftingaþingi LSÍ 2023 þar sem þeir fengu heiðursfélaga viðurkenningu.

Árið 2023 var hann gerður að heiðursfélaga LSÍ á 50 ára afmælisþingi Lyftingasambands Íslands.

Keppendalisti og mótadagskrá Íslandsmeistaramót Senior 2024

STREYMI HÉR

Vigtunar staðsetningar

Akranes – Ægir Gym
Reykjavík – Crossfit Reykjavík

KVK C – 55A 59B 64B +87B – 10:00

Nafn	Félag	Þyngdar- flokkur	Entry total
Birna Ólafsfóttir	LFK	55	95
Thelma Rún Guðjónsdóttir	LFR	55	143
Elísa Magnúsdóttir Dison	Ármann	59	90
Helga Hlín Hákonardóttir	Stjarnan	59	127
Eva María Elíasdóttir	ÍA	64	65
Emilía Nótt Davíðsdóttir	LFK	64	120
Valdís María Sigurðardóttir	LFR	64	130
Olga Ýr Georgsdottir	Massi	64	145
Erna Freydís Traustadóttir	Massi	64	145
Máney Dögg Björgvinsdóttir	Massi	+87	95

KK B – 73A 81B 89A 96B 102B 109A – 11:45

Nafn	Félag	Þyngdarflokkur	Entry total
Stígur Bergmann Þórðarson	ÍA	73	110
Guðjón Gauti Vignisson	ÍA	81	120
Konráð Krummi Sigurðsson	LFK	89	200
Tómas Stitelmann	LFR	89	200
Jóel Jens Guðbjartsson	LFK	96	175
Ingvar Svavarsson	ÍA	96	195
Hafliði Jökull Jóhannesson	Massi	96	205
Ingólfur Pétursson	ÍA	102	195

KVK B – 59A 71B 76B 87A – 14:00

Nafn	Félag	Þyngdarflokkur	Entry total
Snædís Líf P. Dison	LFR	59	155
Thelma Mist Oddsdóttir	LFK	59	165
Steindís Elín Magnúsdóttir	LFR	71	120
Sólveig Þórðardóttir	LFR	76	130
Melkorka Mist Gunnarsdóttir	LFK	76	120
Hólmfríður K Kjartansdóttir	LFK	76	140
Hrund Scheving	LFK	76	164
Ásta Sachi Jónasdóttir	LFR	87	150

KK A – 81A 96A 102A – 16:00

Nafn	Félag	Þyngdarflokkur	Entry total
Viktor Jónsson	LFR	81	215
Bjarki Breiðfjörð Björnsson	LFR	81	261
Brynjar Logi Halldórsson	LFR	81	300
Suthaphat Saengchueapho	LFK	96	230
Daníel Róbertsson	LFR	89	260
Þórbergur Ernir Hlynsson	LFR	96	270
Sigurkarl Róbert Jóhannesson	Massi	102	215
Viktor Ýmir Elíasson	ÍA	102	220

KVK A – 64A 71A 76A 81A +87A – 18:00

Nafn	Félag	Þyngdarflokkur	Entry total
Amalía Ósk Sigurðardóttir	KFM	64	180
Guðný Björk stefánsdóttir	LFK	71	205
Eygló Fanndal Sturludóttir	LFR	71	220
Aldís Huld Höskuldsdóttir	Vestri	71	160
Ásdís Hjálmsdóttir Annerud	Ármann	81	160
Indíana Lind Gylfadóttir	LFK	81	165
Unnur Sjöfn Jónasdóttir	Stjarnan	+87	148
Erla Ágústsdóttir	LFK	+87	215

Ný landsliðs viðmið/lágmörk komin á netið

Stjórn LSÍ hefur samþykkt ný landsliðs viðmið/lágmörk fyrir árið 2024, engar stórar stefnu breytingar hafa verið frá fyrri lágmörkum en við hvetjum íþróttamenn að lesa viðmiðin vel þá sérstaklega hluta varðandi norðurlandamót en þar hefur þyngdarflokkum verið fækkað.

Árangur íþróttamanna 18 mánuðum fyrir mót gildir til keppnisrétts.

Íþróttamenn sem stefna á þátttöku í mótum skulu endilega hafa samband við lsi@lsi.is og láta vita, það auðveldar framkvæmdastjóra að fylgjast með tilteknum íþróttamanni og aðstoða hann við skráningu í ADAMS en nauðsynlegt er að allir keppendur séu skráðir þar með minnst þriggja mánaða fyrirvara. Þetta á sérstaklega við um mót haldin af evrópska lyftingasambandinu (EWF) og alþjóðalyftingasambandinu (IWF).

lagmork-2024-endurskodud-29-04-2024Sækja

Dómaranámskeið

Skráning HÉR

Námsefni er eftirfarandi

Vinsamlegast verið búin að lesa yfir allt námsefnið áður en þið komið á námskeiðið

IWF TECHNICAL AND COMPETITION RULES & REGULATIONS

Click to access IWF-TCRR-2023.pdf

Prófið og svör á prófi er að finna á netinu og það er mín ráðlegging til ykkar að þið lesið bókina, gerið prófið og flettið svo upp því sem þið eruð óviss á.

Prófið:
https://iwf.sport/wp-content/uploads/downloads/2019/10/IWF-TO-Exam-2019-Questions.pdf

Svör:
https://iwf.sport/wp-content/uploads/downloads/2019/10/IWF-TO-Exam-2019-Answers.pdf

Gæti kannski hljómað eins og svind, en staðreyndin er að ef þið kunnið prófið og það sem á því er þá eruð þið komin með þekkingu á því sem skiptir máli.

Svo til að rifja upp er til útdráttur á íslensku, en það efni er sérstaklega um það sem snýr að keppendum og var hugsað til þess að fræða þá, en er líka gagnlegt fyrir ykkur.
https://lyftingar.wordpress.com/urdrattur-ur-keppnisreglum/

Og svo nokkrir punktar sem er gott að hafa í vasanum á keppnisdag til að rifja upp, best að gera það fyrir hvert mót.

https://docs.google.com/document/d/1Qwz2MeSONIXzCZ3vElVRuVY2HHHDdgp2-2-cB6tOGCQ/edit?usp=sharing

Þið megið endilega biðja um aðgang að þessari síðu og nota hana til að spyrja spurninga ef einhverjar eru.

https://www.facebook.com/groups/1713014768997620/?notif_id=1655848726747259&notif_t=group_admin&ref=notif

Ef þið viljið virkilega hella ykkur í þetta þá eru til video á youtube sem hægt er að horfa á:
https://youtu.be/G0JlXGan1cs?list=PLDb25g2HgvQKrtNS73tF65Lp_JAx3_Me3

Gangi ykkur sem allra best og verið ófeimin að spyrja ef það er eitthvað óljóst.

Kveðja,
Erna Héðinsdóttir – Cat 1 ITO
erna@lsi.is

Íslandsmeistaramót Senior 2024

Skráning HÉR

Eygló í 11.sæti í Tælandi

Eygló Fanndal Sturludóttir hélt áfram að skrifa lyftingasögu Íslands í dag þegar hún lauk keppni á IWF World Cup í Tælandi. Hægt er að sjá heildarúrslit í þyngdarflokknum hennar -71kg HÉR.

Eygló endaði keppnina í 11.sæti á mótinu eftir spennuþrungna keppni en alls voru 41 keppandi sem vigtaðist inn í flokkinn. Nauðsynlegt er fyrir alla sem vilja keppa í París að taka þátt í þessu móti. Eygló keppti í B-hóp en gríðar hörð keppni var bæði í A og B hópnum. Áður en Eygló hóf keppni hafði C-hópur lokið keppni, þar var hin Nígeríska Joy Ogbonne Eze og hún lyfti 239kg í samanlögðum árangri og lyfti sér upp í 11.sætið á ólympíu úrtökulistanum, það var því nauðsynlegt að þeir sem fylgdu á eftir þyrftu að lyfta í það minnsta 240kg til að fara uppfyrir hana og tryggja sig inn á leikana en 10 efstu keppendur fá sjálfkrafa keppnisrétt. Franskur keppandi var/er í 10.sæti og því er 11.sætið nánast öruggt.

Eygló með 130kg í jafnhendingu.

Eygló opnaði í snörun á 103kg sem flugu upp og fór því næst í 106kg sem er 1kg bæting á norðurlanda og íslandsmetinu hennar sem hún setti 12.Febrúar síðastliðinn á Evrópumeistaramótinu. Hún reyndi að lokum við 108kg en missti þá lyftu aftur fyrir sig. Í jafnhendingunni opnaði hún á 130kg, það er 5kg meira en hún lyfti í Búlgaríu á EM og 3kg meira en hún lyfti í Katar í Desember sem er jafnframt hennar besti árangur í jafnhendingu. Sú lyfta fór örugglega upp og samanlagður árangur upp á 236kg. Það er fimm kílóum meira en Eygló hefur lyft og það er einnig nýtt norðurlandamet í samanlögðum árangri í -71kg flokk. Bæting um 5kg en fyrra metið átti fyrrum evrópumeistarinn Patricia Strenius frá Svíþjóð.

Í annari tilraun fór Eygló því næst í 134kg til að komast upp fyrir hina áður nefndu Nígerísku Joy Eze. Hún var mjög nálægt því að standa upp með þá þyngd en þurfti að sleppa henni, þriðja tilraun fór heldur ekki upp og þar við stóð. Eygló endaði önnur evrópubúa í dag og vann meðal annars nýbakaðan evrópumeistara hina Rúmönsku Loredana Elenu Toma.

Eygló gerir sig tilbúna fyrir snörun. Photo: IWF/DBM

Eftir að A-hópurinn lauk keppni er niðurstaðan sú að Eygló endar í 14.sæti á úrtökulistanum fyrir ólympíuleikana (OQR) með 236kg. Nokkrar sviptingar urðu í sætunum í kringum Eygló en hástökkvari dagsins var hin Kúbverska Yeniuska Mirabal Feria sem fór upp um 7 sæti með 9kg bætingu á samanlögðum árangri. Eygló fór hinsvegar upp fyrir bæði hina ítölsku Giulia Miserendino og hina víetnömsku Thi Hong Thanh Pham.

Ekki er öll von enn úti fyrir Eygló en sótt hefur verið um úthlutunarsæti (universality oft nefnt wildcard fyrir hana). Til þess að hún geti nýtt það þarf Frakkland að ákveða að senda ekki keppanda í -71kg flokkinn. En aðeins úthlutunarsæti eða „host nation“ fær sæti í flokknum.

Einnig eru aðrar sviðsmyndir uppi svo að keppendur sem eru neðar á listanum en 11.sæti fá keppnisrétt ef einhverjir af efri keppendunum geta ekki keppt t.d. vegna alvarlegra meiðsla eða þjóð þeirra ákveður að senda þá ekki. Næstu mánuðir munu leiða það í ljós en Eygló hefur í það minnsta gert sitt allra besta til að vera fulltrúi Íslands í París. Eygló keppti á öllum 7 úrtökumótunum fyrir París og byrjaði fyrsta mótið HM 2022 á því að lyfta 213kg og lyfti í dag 236kg svo mikið vatn hefur runnið til sjávar.

View this post on Instagram

A post shared by Lyftingasamband íslands (@icelandic_weightlifting)

Eygló keppir 7.Apríl klukkan 13:30 að staðartíma í Taílandi

Eygló Fanndal Sturludóttir mun keppa á loka úrtökumóti fyrir ólympíuleikana í París (IWF World Cup) þann 7.Apríl klukkan 13:30 að staðartíma en mótið fer fram í Phuket. Tæland er 7klst á undan Íslandi í tíma og keppir hún því 6:30 á Sunnudagsmorgni að íslenskum tíma.

Eygló keppir að þessu sinni í B-hóp og verður hægt að fylgjast með útsendingu á facebook á slóðinni hér að neðan en einnig á weightliftinghouse:

https://facebook.com/events/s/w-71b/863150542246148

Eygló er fyrir mótið í 15.sæti á ólympíulistanum (sjá neðar) með 231kg í samanlögðum árangri. Í B-hópnum mætir hún keppendum í 5,9,12,15,16,19,20,22,23 og 24. Ellefti keppandinn er einnig frá Philipseyjum og myndi hún ekki keppa nema samlandi hennar gefi ekki kost á sér sem er í 5.sæti á listanum. A hópur keppir síðastur að kvöldi sunnudags 19:00. Hægt er að sjá allar upplýsingar í keppnisskrá mótsins.

Ég vil hvetja áhugasama að horfa á viðtal við Eygló sem birtist í Dagmálum (mbl) fyrir páska: https://www.mbl.is/mogginn/dagmal/innskraning/?redirect=/mogginn/dagmal/ithrottir/248442/%3F_t%3D1712095178.3059528

Einnig tók Ásdís Hjálmsdóttir frábært viðtal við Eygló á ensku í podcastinu sínu the Athlete zone, viðtalið var tekið viku eftir EM: https://podcasts.apple.com/us/podcast/13-eygl%C3%B3-fanndal-sturlud%C3%B3ttir-euro-u23-champion-performance/id1719667975?i=1000647191192

En aftur að mótinu í Tælandi þá er áhugavert er að Marie Fegue frá Frakklandi mun keppa í -76kg flokki á mótinu en best er fyrir Ísland ef frakkar ákveða að senda keppendur í -59kg flokk og -81kg flokk en ekki -71kg flokk. Hún er samt sem áður með 10.besta árangur fyrir mótið í -71kg flokk.

Amanda frá Braselíu (nr.11-238kg total) og Neama Said frá Egyptalandi (nr.6-246kg total) eru skráðar í D hóp með 60kg entry total sem oft þýðir að keppandi ætli sér ekki að lyfta heldur aðeins að vigtast inn í keppni t.d. vegna meiðsla. Amanda er í harðri baráttu með að tryggja sér þátttökurétt svo það verður áhugavert að fylgjast með hvað hún gerir. Hin nýgeríska Joy Eze er skráð í C grúppu og mun því lyfta á undan öllum í A og B grúppu en hún lyfti 234kg á afríska meistaramótinu og fór við það upp fyrir Eygló og er nú í 13.sæti.

	Hópur	Nafn	Þjóð	Besta Total
1	A	LIAO Guifang	CHN	273
2	A	REEVES Olivia Lynn	USA	262
3	A	PALACIOS DAJOMES Angie Paola	ECU	261
4	A	TOMA Loredana-Elena	ROU	256
5	B	SARNO PALOMAR Vanessa	PHI	249
6	D	SAID Neama Said Fahmi	EGY	246
7	A	SANCHEZ PERINAN Mari Leivis	COL	244
8	A	CHEN Wen-Huei	TPE	243
9	B	VALODZKA Siuzanna	AIN	242
10	(-76kg A)	FEGUE Marie Josephe	FRA	241
11	D	DA COSTA Schott Amanda	BRA	238
12	B	PHAM Thi Hong Thanh	VIE	234
13	C	EZE Joy Ogbonne	NGR	234
14	A	MISERENDINO Giulia	ITA	233
15	B	Sturludóttir Eyglo Fanndal	ISL	231
16	B	MUN Minhee	KOR	231
17	A	SCHWEIZER Lisa Marie	GER	231
18	N/A	PEINADO MEJIAS Laura Yenireet	VEN	230
19	B	SEGAWA Runa	JPN	230
20	B	MIRABAL FERIA Yeniuska	CUB	229
21	A	DAVIES Sarah	GBR	229
22	B	ASHWORTH Alexis	CAN	226
23	B	GOLD Celia Henna	ISR	226
24	B	YLISOINI Anna Janette Tellervo	FIN	224
25	C	GARCIA HERNANDEZ Diana Laura	MEX	221
26	C	RAMADANI Tsabitha Alfiah	INA	221

Ísland sigurvegari smáþjóðamótsins í lyftingum annað árið í röð og Brynjar Logi náði besta árangir íslensks lyftara í sinclairstigum frá 1998.

Senior lið Íslands sigraði smáþjóðamótið í lyftingum sem fram fór í Mónakó núna um helgina með glæsibrag annað árið í röð. Það voru þau Brynjar Logi Halldórsson, Kári Einarsson, Katla Björk Ketilsdóttir og Guðný Björk Stefánsdóttir sem kepptu fyrir Íslands hönd í senior flokki.

Junior liðið okkar skipað Þórbergi Erni Hlynssyni og Bríet Önnu Heiðarsdóttur lenti í öðru sæti í junior liðakeppni.

Mótið er liðakeppni þjóða sem hafa miljón íbúa eða færri og eru aðilar að Smáþjóðasambandinu. Í ár keppa auk Íslands, Kýpur, Lúxemborg, Malta, Monakó, San Marino líkt og áður en í ár bætast Gíbraltar og Færeyjar einnig í hópinn auk þess sem franski klúbburinn Saint Marcellin keppir sem gestur á mótinu en tekur ekki þátt í eiginlegri liðakeppni

Mótið er Sinclairstigamót og verðlaunað fyrir stigahæsta liðið, stigahæsta lið karla og stigahæsta lið kvenna auk stigahæstu keppenda af hvoru kyni.Í hverju liði keppa 2 senior karlar og 2 senior konur en auk þess er junior lið skipað 1 junior karli og 1 junior konu.

Önnur verðlaun Íslands voru:
Senior karlar höfnuðu í öðru sæti.
Senior konur höfnuðu einnig í öðru sæti.
Brynjar Logi varð annar í stigakeppni karla og Kári í fjórða sæti.
Guðný varð önnur í stigakeppni kvenna og Katla Björk þriðja.
Þórbergur Ernir var annar í stigkeppni junior karla.
Bríet Anna þriðja í stigakeppni junior kvenna.

Bríet hóf leikinn  í B grúbbu kvenna sem junior keppandinn okkar með 55kg góðri snörun, hún reyndi síðan við 58kg sem hún náði ekki alveg jafnvægi með í botnsöðunni, reyndi við hana aftur en ekki vildi hún alla leið þennan daginn. Í C&J opnaði hún í 65kg, tók því næst 68kg og hækkaði í 71 kg þar sem hún náði ekki að standa upp úr cleaninu.
Niðurstaðan 55kg – 68kg og samanlagt 123kg

Næstur á pall var Kári Steinn Einarsson í B grúbbu karla. Einhver örlítill sviðsskrekkur varð til þess að hann missti 110kg opnun í snörun, en tók hana svo aftur með glæsibrag í annarri tilraun, hækkaði í 115kg í þriðju tilraun og kláraði hana vel.
Hann kom svo hungraðir og öruggur inn í  C&J  og opnaði í  135kg, tók því næst 140kg og að lokum 145kg sem er 2kg bæting á hans besta árangri í C&J. Allt öruggar grimmar lyftur.
Niðurstaðan 115kg – 145kg og samanlagt 260kg

Næst var komið að A grúbbu kvenna en þar kepptu þær Katla og Guðný.

Katla hefur verið á góðri siglingu í bætingum eftir að hún eignaðist dóttur sína fyrir tæpu ári síðan.  Það er alltaf einstaklega gaman að horfa á Kötlu snara og tæknin hennar og botnstaða einstaklegt augnayndi. Á mótinu tók hún örugg, falleg 78kg, 81kg og 85kg sem er 1 kílós bæting frá því á EM í febrúar síðastliðnum. Í C&J opnaði hún í 95kg, hækkaði svo í 98kg, en náði ekki að standa upp úr cleaninu, tók þá þyngd aftur og kláraði hana með stæl og bætti þar einnig árangurinn frá EM um 1kg og samanlagðan árangur um 2kg.
Niðurstaðan 85kg – 98kg og samanlögð 183kg.
Þessi árangur gefur henni C lágmörk á HM og B lágmörk á EM.

Guðný hóf leikinn á 90kg snörun, en lyfti á 30 sec. hljóðinu, fipaðist mögulega við það og missir stöngina aftur fyrir sig. Hún fór svo aftur í 90 kg sem hún náði með glæsibrag. Í þriðju tilraun reyndi hún við 95kg sem hún missti einnig aftur fyrir sig líkt og fyrstu lyfting.
Í C&J opnaði hún í góðri 105kg lyftu, tók því næst enn betri 110kg lyftu. Í þriðju tilraun bað hún um 112 kg á stöngina en cleanið fór ekki alveg að óskum.
Niðurstaðan 90kg – 110kg og samanlögð 200kg

Í A grúbbu karla var svo komið að Þórbergi Erni í junior og Brynjari Loga en það má með sanni segja að krulluhausafélagið hafi átt gríðarlega gott mót.

Þórbergur vigtaðist 96,6kg og fær því árangurinn sinn skráðan í 102kg flokki.
Hann opnaði með góðri 118kg snörun, reyndi svo tvisvar við 123kg sem ekki vildu upp þann daginn. 118kg engu að síður Íslandsmet í junior 102kg flokki.
Í C&J  opnaði hann í 143kg góðri lyftu, reyndi svo við 148 kg en jerkið gekk ekki sem skyldi. Hann hækkaði engu að síður í 150kg sem hann negldi með stæl og jafnaði þar junior íslandsmet í 102kg flokki. Þetta er einnig persónuleg bæting um 5 kg. í C&J.

Brynjar Logi Halldórsson átti að lokum sögulegan dag með 6 gildum lyftum, líkamsþyngd 82,30kg , 125 -130 -135 snatch og 150 – 157 – 165 C&J. Sem er 5 kg bæting á hans besta árangri í C&J , íslandsmet í C&J og sögulegut 300kg Íslandsmeti í samanlögðu en í gagnagrunni  Lyftingasambands Íslands  https://results.lsi.is/rankingall/total/m og hefur enginn karl frá árinu 1998 náð 300 total og verið undir 100 kg í líkamsþyngd.

En það er ekki nóg með það því úr því er reiknuð svokölluð Sinclair stig og er hann með 377,47 sem eru hæstu sinclairstig sem Íslendingur á í núverandi gagnagrunni frá 1998. En á þeim lista stökk hann úr 6. sæti í það fyrsta með tæpri 22 stiga bætingu og sló þar 19 ára gamalt met Gísla Kristjánssonar.

Staðreyndin er líka sú að Íslandsmetin tók hann af Sigurði Darra Rafnssyni sem var þjálfarinn hans á mótinu og mesti peppari mótsins – þessir tveir eru snillingar saman.

Besta sinclairið tók hann, eins og áður sagði af okkar fremst lyftara til margra ára, Gísla Kristjánssyni, en hann kenndi mömmu hans að lyfta sem svo kenndi Brynjari að lyfta og þeir félagar æfa oft saman.

Án þessara tveggja hefði þetta ekki gerst – því við gerum hvert annað betra og erum á endanum öll í sama liði.

Það er svo að lokum gaman að segja frá því að Íslenska liðið átti salinn og mikil stemming og hvatning úr salnum þegar keppendurnir okkar voru að lyfta.
Einstök keppnisgleði og góð stemming var í hópnum og virkilega góð ferð að baki.

Við þökkum Sigurði Darra fyrir frábært starf sem þjálfara á mótinu, Hlyni Skagfjörð Pálssyni fyrir stuðning, aðstoð og ljósmyndastörf og Ernu Héðinsdóttir fyrir dómgæslu auk þess sem hún sá um skipulag og utanumhald ferðarinnar í heild.

Við höfum því miður ekki fengið heildarúrslitin frá mótinu til að setja inn í gagnagrunninn okkar… en það kemur við fyrsta tækifæri.

Lyftingaþing 2024

Ársþing Lyftingasambands Íslands var haldið í 49. skipti í húsnæði Íþrótta og ólympíusambands Íslands (ÍSÍ) þann 16. mars síðastliðin undir handleiðslu Valdimars Leó Friðrikssonar sem gegndi starfi þingforseta.

Kosið var um ný lög og nýjar mótareglur sem voru samþykkt samhljóða á þinginu en bíða nú samþykkar frá ÍSÍ. Helstu breytingar laga og reglna voru að samstilla þær betur reglum Alþjóða lyftingasambandsins (IWF) og koma efni og orðalagi aðeins inn í nútímann. Verða lögin og mótareglurnar birt á heimasíðunni öllum til yndislestrar.

Ný stjórn

F.H. Sigurður Darri Rafnsson landsliðsþjálfari, Magnús B. Þórðarson varastjórn, Birkir Örn Jónsson varastjórn, Hrund Scheving meðstjórn, Helga Hlín Hákonardóttir formaður, Harpa Þorláksdóttir meðstjórn, Erna Héðinsdóttir meðstjórn, Maríanna Ástmarsdóttir Framkvæmdastjóri og Ingi Gunnar Ólafsson landsliðsþjálfari.

Fjöldi stöðugilda innan stjórnar var fækkað með nýju reglunum en litlar breytingar voru á andlitum stjórnar þó embætti innan stjórnar kunni taka breytingum þegar stjórn skiptir með sér verkum. Breytingar á stjórn voru eftirfarandi.

Árni Rúnar Baldursson steig niður sem fulltrúi íþróttamanna og Gerald Brimir Einarsson steig niður úr varastjórn og tók við af Árna í þessu mikilvæga embætti.
Katla Björk Ketilsdóttir steig niður sem fulltrúi íþrótta manna og Erla Ágústsdóttir tók við af henni. Verða því Erla og Gerald raddir íþróttamanna innan stjórnar en einnig raddir íþróttamanna hvað varðar Norðurlandasambandið. Þá getur íþróttafólk leitað til varðandi ýmis málefni hvað íþróttina varðar og koma öllum spurningum og áhyggjum til stjórnar.

Magnús B. Þórðarson steig niður sem varaformaður og tók við kyndli í varastjórn.
Kári Walter og Eggert Ólafsson stigu niður úr varastjórn.
Birkir Örn Jónsson hélt sínu embætti þar.

Helga Hlín Hákonardóttir hélt sínu embætti sem formaður og í meðstjórnanda stöðum sitja nú Ásgeir Bjarnason, Erna Héðinsdóttir, Harpa Þoláksdóttir og Hrund Scheving.

Frábær árangur

Erla Ágústsdóttir

Erla Ágústsdóttir var heiðruð fyrir góðan árangur á Evrópumeistaramóti U23 þar sem hún nældi sér í tvær brons medalíur. Hún gat ekki mætt á þingið sjálft þar sem hún var heiðruð en var fenginn vöndur og 50.000 kr gjafabréf frá Icelandair í vikunni.
Þess má geta að Erla var í 8. sæti á Evrópumeistaramóti Senior í febrúar. Heldur öllum íslandsmetum í +87 kg flokki kvenna í Junior, U23 og Senior aldursflokkum.
Erla er önnur íslenska konan sem tekur 100 kg í snörun og er búin að næla sér í B lágmörk á Heimsmeistaramót Senior 2024.
Erla á best 100 kg í snörun á móti, 118 kg í jafnhendingu og 215 kg í samanlögðum árangri.
Hennar besti árangur hefði gefið henni 15. sæti á HM á síðasta ári og verður gaman að sjá hvað hún gerir á næstu mánuðum í aðdraganda HM. Einnig verð ég að nefna að Erla keppti á sínu fyrsta móti í september 2021 og hefur því aðeins keppt í íþróttinni í tvö og hálft ár sem segir meira um hennar metnað en þessi framkvæmdastjóri kemur orði á.
Til hamingju en frábæran árangur Erla!
Við erum ekkert smá stolt af þér og hlökkum til að sjá hvað í þér býr næstu árin!